പ്രതിസന്ധികളിൽ ക്ഷമ കൈക്കൊള്ളുന്നതാണ് വിശ്വാസിയുടെ ബാധ്യത എന്ന് വള്ളക്കടവ് ചീഫ് ഇമാം അബ്ദുൽ ഗഫാർ മൗലവി
10/4/2024
തിരുവനന്തപുരം: ഒരു മാസക്കാലത്തെ കഠിനമായ വൃതാനുഷ്ഠനത്തിലൂടെ നേടിയെടുത്ത ആത്മവിശുദ്ധിയിലൂടെ ക്ഷമിക്കുവാനും പ്രതിസന്ധികളിൽ പ്രാർത്ഥനയിൽ അഭയം കൊള്ളുവാനുമുള്ള ശീലം ആർജിച്ചെടുക്കണമെന്ന് വള്ളക്കടവ് മുസ്ലിം ജമാഅത്ത് ചീഫ് ഇമാം ഹാഫിസ് പി.എച് അബ്ദുൽ ഗഫാർ മൗലവി പറഞ്ഞു. വള്ളക്കടവ് വലിയപള്ളി ജുമാമസ്ജിദിൽ നടന്ന ഈദുൽ ഫിത്വർ നിസ്കാരത്തോടനുബന്ധിച്ചു സന്ദേശം നൽകുകയായിരുന്നു അദ്ദേഹം. വള്ളക്കടവ് ജുമാമസ്ജിദിലും മസ്ജിദ് അങ്കണത്തിലുമായി ഏഴായിരത്തോളം വിശ്വാസികൾ സംബന്ധിച്ചു. യുദ്ധം അവസാനിച്ചു ലോക ശാന്തി കൈവരുന്നതിനായി വേണ്ടി പ്രത്യേക സമൂഹപ്രാർത്ഥന നടത്തി. വിശ്വാസികൾ പരസ്പരം ആലിംഗനം ചെയ്യുകയും ഈദ് സന്തോഷം കൈമാറുകയും ചെയ്തു.